Veurig jaor trokke Prinsesse Imara en Danée de ker
Dit jaor ben ich met mien twieëlingzusjes zoea ver
Daorom gaon wae os noe aan uch veur stelle
Want wae hubbe hieël get te vertelle

Danée:
Mam is oet Zuid-Limburg en pap kumtj (ocherm) oet Braobantj
Vastelaovendj zitj in mien blood, daoveur geit alles aan de kantj
Ich zit noe in groep 8, mer dae meister is stom en hieëlemaol neet ‘knep’
Daorom kiek ich leever op mien tillefoon nao snapchat en whatsapp Jao, Vastelaovendj is toch veul sjoeaner den alles wat ich mot lieëre in groep 8
Dus wie Maurice mich kwoom vraoge, hub ich mig gein minuut bedacht

Lyva:
Ich bin adjudant Lyva, en op de kermis kan ut mich neet gek genog gaon
Al bin ich 100 kieër door-ein gesjuddeldj, ich kan altied nog blieve staon
Inne hoof achter pap aan met ein sjeursker vol hout vinj ich ein sjoean klus
Ich kan det veul baeter, want ich bin 1 minuut aojer as mien twieëlingzus

Joya:
Ich bin adjudant Joya, en die attracties oppe kermis zooje van mich nog veul gekker kinne
Al hub ich 10 pannekeuk, ein bord erwtesop en ein zoore hieëring op, det blieftj allemaol binne
En pongele met make-up en foddele met haor kin ich as gein anger
Veul baeter as mien twieëlingzus, mer ich bin den aug 1 cm langer

Samen:
Leef minse, gae zeetje, wae steggele get aaf ongerein
Mer met dees daag gaon wae veurop, veur groeat en klein
Ich staon hiej noe veur de twieëdje kieër op riej
Same met mien twieë zusjes aan mien zie