Létste update: 1 mieërt 2020; programma 2021 toegevoegdj

Waat is dur allemaol gebeurdj?

Dolle Dinsdig

Op dinsdig waas ut weer zoeawieëd; de optocht in Haler en daonao fieëste en tampieëste in de zaal. Ut waer waas ut béste waer van alle vastelaovesdaag dit jaor. Bietje windj, aaf en toe get zón en nao de optocht pas de buien, mer toen zoote wae al lekker binne in ós Rabbedabben Pelieës.
 

Spek mit eier & Vastelaoveskiene...

Spek mit eier en Vastelaoveskiene. Ieërst ein eike mit spek nao binne peuzele, daonao Vastelaoveskiene. En blieje prieëswinnaars! Gezellige boel!

 

Sleuteleuverdracht...

En op vriedig 21 fibrewari mochte de groeëte minse de Sleutel aafhoole. Vorst Rik en de men van de Raod van 1/2 Elluf (en de vrouluuj) ginge mit de bus nao Häör. Auch vriedig waas ut ein sjoeën happening. Dur waas waal mieër drank in ut spel den op donderdig, dus oppe terukweeg bie ut oetstappe ging ut efkes mis mit oze Vorst. Eine oetgleijer zulle wae mer zigke. Pak nao de staumerie. Niks gebrooke, det veel den weer mit.

Jeugdsleuteleuverdracht...

Op donderdig 20 fibrewari tooge Prins Lard I en zien gevolg nao Häör óm van de burgemeister de sleutel te óntvange. Ut waas ein sjoeën happening dao in Häör.
 

Bóntje Aovendj...

Zaoterdig 15 fibrewari waas ut zoawieëd; de Halerse Bóntje Aovendj. In de wieje ómstreke óngertusse ein begrip. De zaal leep den auch snel lekker vol. De Halerse artieste haaje weer häör bést gedaon om dur eine geweldjige aovendj van te maake. En det is good gelúktj.


Winy & Miranda kreege nog de spesjale óngersjeiing veur de "zilvere stumbandj" ómdet ze al veur de 11e kieër métdeeje. Rik wist häör te ontfutsele det ze volgendj jaor mit ein CD gaon kómme mit alle leedjes die ze toet noe toe höbbe oetgebrachtj. Wae zeen benoewdj!

Ut waas in élk geval eine sjoeëne aovendj woa de minse van kinne höbbe geneete!


Prinserecepsie...

Zönjig 26 jannewari waas den de recepsie veur Prins Lard I en zien adjudante. Ut waas gezellig druk en de stumming zoot dur good in. Väöl minse oet Haler en omgaeving zeen Prins Lard I en zien adjudante kómme feliciteere.

 

Verkaup van kerboeët en waofels...

Op zaoterdig 14 december trok de jeugd door ut dörp mit kerboeët en waofels. Auch waerdje de Vastelaoves Gezet róndjgebrachtj en sommige inwoeaners goove gul in de vriewillige biedraage veur oze glossy. Dank dao veur!


Höbtj gae ós gemisjt, den is det jaomer en zeen al die lekkere waofels en dae euverheerlijke kerboeët aan uch naas veurbie gegange. Volgendj jaor weer ein noew kans!

 


Prins oetroope & Pekskesaovendj...

Op zaoterdig 30 november 2019 is de jubileumprins oetgeroope. De 55e jubileumprins is Lard I. Hae waerdj óngersteundj door zien adjudante Luc en Keano. Mét ein geweldjig optraeje van Nigel Otermans waerdje de prins en zien gevolg onthuldj.

Daonao begósj de Pekskesaovendj. Sinterklaos waas dur weer bie en naames de gemeindje wethaojer Martens. De prinse van Hunsel en de vorst van Ittervoort woore dur auch. Via ein satelliteverbinjing mét Ell en Neeritter woore die prinse auch live op de aovendj durbie.

Big Benny zörgdeje auch nog veur ein sjoeën optraeje woabie de jeugd finaal oet heur daak ging. De Hóndjskepél van de Serdelhunj kraakdje auch ein vrolijke noot tussedoor.


 

Prins oetroope...

Op zaoterdig 30 november 2019 roope wae de Jubileumprins van de Jeugdraod oet. Det doon wae tieëdens eine spetterendje Pekskesaovendj.

Óm 18.30 oor starte wae mit ut oetroope. Mer ieërst traeje de Prins en Prinses van 2018-2019 aaf. Det doon wae natuurlijk auch weer op ein ludieke wijze. Illusionist en dörpsgenoot Nigel Otermans zal get wegtovere en get teruk tovere.

Aansloetendj startj óm 20.11 oor de Pekskesaovendj. Dao is natuurlijk auch Sinterklaos bie. En Big Benny. En Nigel Otermans. Ein groeët spektakel dus. Misj ut neet!!

 

 

 


Menu

prinseproclamasie
Prinseproclamasie

fotopagina
fotopagina

leeje van de Rabbedabben
leeje

ridders van de Rabbedabben
ridders

contactinformasie
contactpagina

sponsorpagina

de létste vastelaoves gezét (PDF)
vastelaoves gezét

poster van ut programma (PDF)
programma

Volg ós op:

nao Feesboek

nao Twitter


home


Alle inhoud van dees wepsait beheuertj toe aan Vastelaoves Vereiniging de Rabbedabben oet