|
Buutte Try-out... In (de)buut; teruukblik buutte try-out aovendj in Haler-Uffelse Op zaoterdig 5 november is inne Uffelse Meule in Haler-Uffelse veur de 4e kieër ein buutte try-out aovendj georganiseerdj. In de gezellige Tiendsjeur van dees historische watermeule haet ut enthousiaste pebliek kinne geneete van de volgendje 7 artieste: - Frank Vroomen oet Puth haaj ut pebliek ‘betoverdj’ as: “Hans Wčkker, de Limburgse Hans Klok” - Robert Buckx oet Susteren haaj ein vruchtbaar verhaol as: “T zäödje van Limburg” - Rob Princen oet Wieërt waas ein kleurrieke versjiening as: “Tattoo Rob” - Nils Naus oet Neeritter vonj ut kinnelik: “Tied om aaf te valle” - Carola Vergoossen oet Maria-Hoop kreeg ongersteuning van ut pebliek; ze waas namelik: “In de euvergank” - Van Charlie Wijen oet Wieërt kreege de aanwezige dames ut get wermer in zien kreaasie as: “Casanova” - Maurice Timmermans oet Kelpen leet neet allein zien stum mer auch zien gitaar klinke as: “de Muzi-kaale” Ut waas ein good bezochte en gezellige aovendj vol humor. Eederein haet genote van ut talent en de inzet van alle artieste. De veurrunjes van ut Groeat Limburgse Buuttekampioensjap zeen allewiel veurbiej. Van ‘oos’ try-outers zeen Frank Vroomen en Maurice Timmermans door nao de finale op 23 jannewari 2023 in ut Toon Hermans Theater in Sittard. Al met al ein gooj reeje veur os om volgendj jaor weer ein buutte try-out aovendj te organisere. De datum steit al vast; zaoterdig 4 november; sjrief dees datum mer alvasjes oppe nuuj kalender!
|
Volg ós op:
|
|
|
|
