Femm:
Wae gaon dao dit jaor nog ins dun-kes euver haer
En geluif mich minse, det doon wae hieël erg gaer
Wae gaon os noe aan uch veur stelle
Want wae hubbe hieël get te vertelle

Cas:
Mien pap is eine Moeëreboek en mien mam ein Zaotmaal oet Roij
Noe woeane wae in Haler der percies tussen in, zjuust tegooi
Ich hub euveral gewoeandj, in Hunsel, Wieërt, Rooij en Sydney
Mer noe woean ich ‘Op Kinnester’, vlak bie Haler-city

Femm:
Mam is ein Rogstaeker, en pap is as Puinesjödder gebore
Hae kos zoea good puine sjoefele, toen is hae mer hovenier gewore
Ich woean al ein paar jaor oppe Kievistraot, met veul plezeer
En gaon met ut fietske duk ut hieël durp op en neer

Cas:
As keeper staon ich bie DFO’20 onger de lat en haoj eedere bal boete de goal
De keeper Thibault Courtois van Real Madrid is den auch mien idool
Ich hub auch ein favoriete club, mer durf det eigelik neet hel-op oet te spraeke
Want det is Ajax, en die voetballe dit seizoen erg sjaemel; al versjillige waeke

Femm:
Auch ich bin gek van voetballe, en staon biej Veritas op ut veldj
Eedere wedstrijd weer, vleeg ich der in met veul geweldj
Auch ich bin fan van Ajax, mer waal ut dames team, zoeas gae kintj begriepe
En die staon neet op degradere, dus die hoove um neet zoea te niepe

Raf:
Ut allerleukste is biej  Brevendia as letste man de bal kei-hel nao veure knalle
En ich bin ein groeate fan van PSV, die kinne teminste waal voetballe
Ein paar kieër per jaor gaon ich met pap met nao ut combine racen
As det neet is, kan ich nog altied met de quad biej pap inne wei sjeezen

Liene:
Ich woean in Pinxthuuske; gae kintj det waal, ut hoes met de witte moor
Dao in dae bocht van de doorgaondje waeg, al rieje sommige rechtdoor
Op mien kamer haet ut getrokke ut det ut kaaktj
Mer det is gedaon, noe pap ut daak haet gemaaktj

Cas:
Thoes hub ich auch nog twieë zusjes. Ze heite Lize en Fleur
Wie die huerdje det ich Prins waerdje, woore die hieëlemaol veur
Ooze hondj Moos is miene vrundj. Dae is hieël slum en snaptj alles, maar ….
As mam vreugtj: “Wilse nog appele, Moos?”, den kiektj der hieël raar

Femm:
Ich hub nog ein zusje Rox, die zitj auch in de Raod van Elf
Die geit met os met aan, det haet ze neet gelieërdj, det geit gewuen vanzelf
Soms mot ich os hundjes oetlaote, det doortj mich duk te lank
Ich speel leever boete, of zit te gamen oppe bank

Samen:
Gae hubtj ut kinne hueren; voetballe vinje wae ut sjoeanst van al
Daorom hubbe wae noe ingesteldj “de Orde van de Vleegendje Bal”
Same met os Adjudante Liene en Raf gaon wae komendje Vastelaovendj veurop
En zette den hieël Haler 3 daag duchtig oppe kop

En det alles onger os motto: