Danée:

Zon 365 daag geleje, det waas dus veurig jaor

Stonge Prins Cas I, Prinses Femm en Adjudante Raf en Liene hiej veur ug klaor

Die hubbe laote zeen det ze ein fieëstje kinne bouwe

Dit jaor gaon wae in Haler 3 daag oppe trom houwe

Imara:

Wae belaove uch det wae Haler oppe kop gaon zette

En det is belaofdj; motj gae mer ins op lette

Wae gaon os noe aan uch veur stelle

Want wae hubbe hieël get te vertelle

Danée:

Mien mam is oet Zuid-Limburg; in Buchten gebore

En is op eine Braobenjer verleefdj gewore

Det is mien pap; ein gebore en getoge Riethovenaar

Hae probeertj plat te kalle, met ut klinktj nog steeds raar

Imara:

Mien opa waas Christ vanne Pinxt, mien oma hetj Nellie

Mien pap Marco kumptj oet Kessel, mer woeantj al jaore hiej

Mien mam Angelina waas oeats hiej prinses, det is gein noets

Mien pap kaltj waal plat, mer haet toch echt Italiaanse roets

Mien broor hetj Keano, dae ging mich als Adjudant al veur

En oze hondj hetj Cooper, dae is zoea gek wie ein deur

Danée:

Ich hub drie hunj, twieë knieen, twieë zusse en ein broor

Daorom is ut biej os pas stil in hoes nao negen oor

Ich zit in Wieërt op ein sjoeal, die ligtj in Leuken

Mer as ich hoeswerk krieg, gaon mien henj neet jeuken

Streetdance doon ich ut leefste op ein podium, mer neet op straot

Met waal in Wieërt in ut Munttheater, dao is ut neet zoea kaod

Imara:

Mien sjoeal in Wieërt hetj ‘de Philips’, net wie die lampenfabriek

Mer die lieërare dao zeen neet zon leecht, des toch hieël uniek

Ich hub zoeaveul hobbies, ich weit neet woea ich mot beginnen:

Meziek maken, volleyen, paerdjes verzurge en chillen met vriendinnen

Auch loester ich gaer nao meziek, met van dae helle beat

As pap en mam det huere gaon ze wanjele; extra wiet

Samen:

Lois, Liene en Lise zeen neet te misse; ze zeen os drie adjudante

Die haoje van paerd rieje, handjbal en volleybal, ze weite van wante

Hun hulp hubbe wae dit jaor zeker hel van doon; same staon wae sterk

Wae zulle uch laote zeen wat fieëste is; det waerdj missjiens waal nachtwerk

En det alles onger os motto:

Allein mer meiden; wat ein gekakel

Mer in Haler 3 daag lang ein groeat spektakel

ALAAF!!!