|
Létste update: 1 fibrewari 2026 - Prinsesserecepsie
Waat geit dur allemaol
gebeure en waat is dur allemaol gebeurdj?
Op zaoterdig 6 december
gaon wae ut noewe prinsepaar bekindj maake in ós Rabbedabben Pelieës
aan de Pinxtestraot in Haler. Gae zeetj neteurlijk allemaol van
herte welkom!
Ut programma veur ut
komendje sezoeën steit oppe sait (kliktj op
"programma" in de rechter menu-balk) en op óze
feesboekpagina höbbe wae alle activiteite auch benömdj en dur ein
evenement veur aangemaaktj.
Vastelaoves
Vereiniging de Rabbedabben
Noewe inwoeëner van ós
dörp?
Gae zeetj verhoeësdj
nao Haler en gae dinktj: woea kin ich toch die sjoeën
vastelaovesvlag of det sjieke Rabbedab-bieëldje hoole? Mailtj mer
nao de secretaresse, Sabine (kiektj op de contactpagina) en wae
bringe de vlag en/of ut bieëldje aan hoeës (binne Haler). De vlag is
veur 17,50 euro te kaup en ut bieëldje veur 22,50 euro.
Sezoeën 25-26, de
fotoreportaasjes:
Prinsesserecepsie
op zónjig 1 fibrewari waas ós eige recepsie. Ut waas gezellig druk
en behalve femilie en vereiniginge oet Haler en anger
belangstellendje waoor de Serdelhunj, de Moerebuuk en de
Puinesjödders dur auch bie. En neet te vergaete de laifmeziek van de
Honjskepel van de Serdelhunj! Wae höbbe genoote!
Bezeuk aan de
Moeërebuuk
Op zaoterdig 17 jannewari zeen wae op
receptie gegange biej os vrunj de Moeerebuuk. Dao zeen wae werm
ontvange door Vorst Steef. Wie wae oppe buhne kwome heet prinses
Danee met heur adjudante Joya en Lyva ein sjoean en duudelik waord
gericht toet Prins Stan en zien adjudante Mats en Teun. Daonao hubbe
die ein lekkere snuik-taart gekrege. Prins Tim heet same met zien
prinses Myrthe nao ein kort stichtelik wäördje van Vorst Rik ein
prins-heerlik apres-waterski-pakket gekrege. Oeteindelik hubbe wae
der nog ein paar gepitsj en zeen wae op hoes aan gegange. Ut waas
ein gezellige aovendj.
 Bezeuk
aan de Serdelhunj
Op zónjig 11 jannewari tooge wae nao Hunsel óm de prinse te gaon
felicitere! Utr waas dao vrieët druk en auch nog bloodheit in de
zaal. Mer de stumming zoot dur waal geweldjig in en wae höbbe ós dao
köstelijk vermaaktj!
Kerboetaksie
Op vriedig 12 december tooge wae mit de jeugdraod door ut dörp óm de
bestellinge róndj te bringe. Van te veure ieërst efkes eine lekkere
hamburger gesnaajdj die door óze topkok Roy woore klaorgemaaktj.
Auch de Vastelaoves Gezét waerdje hoeës aan hoeës róndjgebrachtj. Ut
waas dur fris aan mer waal gezellig!
 Prins
Oetroope
Op zaoterdig 6 december höbbe wae de
noewe Prins(es) oetgeroope. Nao ein jaor oetprobere same mit ein
anger prinses kinne wae vol trots presentere Prinses Danée, saame
mit heur adjudante (en zusse, wie biezönjer is det) Lyva en Joya.
Prinses Danée, adjudante Lyva en Joya gaon mit dees daag veurop
ónger heur motto:
Met 3 zusse veurop, zette wae hieël Haler de ganse Vasteloavendj op
ziene kop
ALAAF!!!!
Komendje activiteite...
|
