|
Létste update: 4 mieërt 2025
Waat geit dur allemaol
gebeure en waat is dur allemaol gebeurdj?
Op zaoterdig 7 december
waerdje ut noewe prinse(sse) paar bekindj gemaaktj. Veur de Halerse
vastelaovendj en mesjieën waal veur de hieële vastelaovendj wereldj
ein unicum: wae höbbe dit sezoeën 2 prinsesse! Prinses Imara en
Prinse Danée zeen dit sezoeën de veurgangers van de Rabbedabbe! Wae
winse alletwieë hieël väöl lol en plezeer!
Ut programma veur ut
komendje sezoeën steit (ónger veurbehoad) oppe sait (kliktj op
"programma" in de rechter menu-balk).
Naames de Raod van
Half Ellef en de Jeugdraod van de Rabbedabben ónger aanveuring van
Prinses Imara en Prinses Danée winse wae uch allemaol eine hieële
sjieke vastelaovendj toe!
Vastelaoves
Vereiniging de Rabbedabben
Noewe inwoeëner van ós
dörp?
Gae zeetj verhoeësdj
nao Haler en gae dinktj: woea kin ich toch die sjoeën
vastelaovesvlag of det sjieke Rabbedab-bieëldje hoole? Mailtj mer
nao de secretaresse, Sabine (kiektj op de contactpagina) en wae
bringe de vlag en/of ut bieëldje aan hoeës (binne Haler). De vlag is
veur 17,50 euro te kaup en ut bieëldje veur 22,50 euro.
Sezoeën 24-25, de
fotoreportaasjes:
 Dolle
Dinsdig in Haler, 4 mieërt
De groeëte
finale van de vastelaovendj in Haler, de optocht. Auch dit jaor weer
ónger ein straolendj zönneke en zieër aangename temperature. Get
minder wanjelieërs in de optocht dit jaor, mer weer erg sjieke
waages, zoeawaal bie de kleine es de groeëte waages. Ut waas veur de
zjurie ein hels kerwei óm dao de winnaars oet te hoole. Mer ós
zjurie is zieër ervare in dees materie en oeteindelijk is dur ein
riej winnaars oetgekome. Alle deilnömmers haaje weer heur stinkendje
bést gedaon óm dur get sjoeëns van te make en det waas den auch
eigelijk idderein geweuen good geluktj. Idderein bedanktj veur uch
deilname en hopelijk zeen wae uch volgendj jaor weer allemaol teruk!
 Spek
mit Eier en Vastelaoveskiene, 3 mieërt
Tradisjioneel aete wae op maondig spek mit eier. Die waare dit jaor
verzörgdj door de noew oetbaters van ut kefée. Dur most nog get
gewinsj waere, de snelheid zoot dur nog neet in. Mer naodet zo good
es idderein ein eike mit spek haaj gehadj (op Mario nao volges os)
kost Maurice aan zien favo-hobby beginne mit ut omroope van de
nummerkes. Den ging det op ein bejaardje snelheid, den zoot dur de
turbo durop. De prieëze vlooge dur oet en sommige haaje ut geluk
zelfs mieërdere prieëskes te winne. Alle winnaars, väöl plezeer mit
uch supersjoeëne prieëze!
 Sleuteleuverdracht,
28 fibrewari
Veur de
groeëte minse waas ut op vriedig de 28e te doon. 's Middigs ut buske
gehooldj, daonao de vriewilligers nao Heur gebrachtj, weer teruk
geketsjt, de raod ingelaaje nao ein fraai stukse zangwerk van oze
vorst Rik inne bus, Ut aete oetgestaldj (nao ieërst ein staontaofel
geconsiceerdj te höbbe) en toen aan um. De burgemeisterin haaj dur
gooj zin aan, want die heet mich get flauwekul aafgewauweldj. Mer
gelukkig kreege wae dae sleutel mit nao Haler.
 Jeugdsleuteleuverdracht,
27 fibrewari
De jeugd
heet weer genoote van de jeugdsleuteleuverdracht. Opdracht veur alle
jeugdraoje waas om eine rammelesjang te fabricere! Dae van os waas
helaas neet zoea good geluktj zulle wae mer zégke; hae rammeldje
neet echt geweldjig. Mer nao de sleutel in ontvangst te höbbe genome
van de burgemeisterin kos ut fieëst beginne! Big Benny heet
netuurlijk weer veur ut neuedige "gaas" gezörgdj, dus det is
hieëlemaol good gekome.
 Prinserecepsie
van de Puinesjödders, 23 fibrewari
Veur de
groeëte minse waas ut op vriedig de 28e te doon. 's Middigs ut buske
gehooldj, daonao de vriewilligers nao Heur gebrachtj, weer teruk
geketsjt, de raod ingelaaje nao ein fraai stukse zangwerk van oze
vorst Rik inne bus, Ut aete oetgestaldj (nao ieërst ein staontaofel
geconsiceerdj te höbbe) en toen aan um. De burgemeisterin haaj dur
gooj zin aan, want die heet mich get flauwekul aafgewauweldj. Mer
gelukkig kreege wae dae sleutel mit nao Haler.
 Bóntje
Aovendj,
22 fibrewari
Waat waas ut
weer sjoeën, dae Halerse Bóntje Aovendj. Good bezochtj, weer talloze
perfect ingestudeerdje stukskes van eige boom, eine gooje
buuteredner dae zien pelisiedeenst efkes óngerbrook om bie ós
aanwezig te kinne zeen, sjiek! Dur waerdje ein paar minse gehuldigdj
veur heur joarelange toomeloze en belangeloze inzét veur de Halerse
Vastelaovendj: Rik, Maurice, Stefan en Peter, van herte
gefeliciteerdj en det wae nog lang van uch deenste gebroeëk kinne en
mooge blieëve maake!
 Prinserecepsie,
16 fibrewari
Op zonjig 16
fibrewari waas ut den zoea wieëd, ós eige recepsie in ut Rabbedabbe
Pelieës in Haler. Ut waas gezellig druk en ós zustervereiniginge oet
Ell, Ittervoort en Hunsel woore dur auch weer bie. De Moerebuuk
kwoome mit ein delegasie want in eige dörp senioremiddig. Top detj
gae dur toch bie woordj! De Serdelhunj mit häör eige kepèl en mieër
den volledige raod en jeugdraod, ein denske en ein gezónge nummer
van de jeugd, sjiek! De Puinesjödders mit eine kapotte reek/rammelesjang,
auch dansendje en zingendje jeugd én mit ein live zingendje prinses
veurop in de polonaise, geweldjig! Wae höbbe genoote van uch
aanwezigheid en auch van al die anger luuj die ós prinsesse kwame
felicitere.
 Prinserecepsie
van de Serdelhunj, 12 jannewari
Op zonjig 12
jannewari ginge wae nao de prinserecepsie in Hunsel, bie de
Serdelhunj. Al jaore lang ein sjoeën recepsie die dit jaor waal väöl
drukker waas den anger jaore, dinkelijk omdet de Serdelhunj mer
leefst 6x11 jaor bestaon. Des geine kattepis en det heet oze Vorst
Rik den auch oetgesprooke. Dur waerdje weer ein sjoeën ludiek kedoo
euverhendjigd aan de prins van de Serdelhunj.
 Kerboet
aksie, 21 december
Op zaoterdig
21 december tooge wae door ut dörp mit lekker kerboet, knapkeuk,
hamburgers, de Vastelaoves Gezet en nog get anger gerei. De gedaone
bestellinge waerdje rondjgebrachtj. Biebestelle kost dit jaor neet
mieër. Höbtj gae ut gemisj, den ut komendje jaor baeter oplette es
dae breef om te bestelle bie uch in de bus ploftj! Aan alle minse
die bie os get gekochtj höbbe, hieël väöl dank, de jeugd is dur blie
mit!
 Prinse(sse) oetroope, 7 december
Op zaoterdig
8 december waerdje de noewe prins en prinses oetgeroope. De
verrassing waas groeat wie ut bleek det dur geine prins waas dit
jaor mer waal twieë prinsesse! Prinses Danée en prinses Imara gaon
dit sezoeën veurop bie de Rabbedabben!
|
