Proclamatie Prins Lard I & adjudante Luc & Keamo, 2019-2020

Proclemasie

Lard:
Ich staon hiej as Prins Lard I vanne Rabbedabben, veur mich de ieërste kieër

Wae hubbe noe ein jubileumjoar dus ut is veur mich ein hieël groeate ieër

 

Gear wil ich Prins Mexx I, Prinses Fenne en Adjudant Heike bedanke veur ut aafgelaupe joar.

Door hun hebbe wae eine fantastiese Vasteloavendj gehadj. Echt woar!!

 

Saame met Adjudant Luc en Adjudant Keano staon ich veur uch klaor

Om ut jubileum vanne Jeugdroad te veere, want die besteit al 5 x 11 jaor

 

Ich bin geboore en getooge in Haler, ich bin dus eine echte Rabbedab

Mien pap haaj neet anges verwachtj, mer mien mam waas gans vanne wap

 

Want os mam Esther is eine echte Rogsteaker. Ze kumpj oet Wieërt.

Dao huers-se niks van want ze heet de Halerse taal al good aangelieërdj.

 

Mien pap Erwin is eine echte Halerse mins. Hae is van Harrie van Teun vanne Locht.

Gea kintj hum vast waal vanne Rabarber en vanne TT, doa vluugtj der waal ins oet de bocht.

 

Noe laot ich auch mien adjudante get vertelle

Ze gaon zich noe aan uch veur stelle:

 

Luc:

Ik ben adjudant Luc, en geboren in Almere, de parel van Flevoland

Ik ben blij dat ik nu in Haler woon, hier kan ik spelen op straat en in het zand

 

Mijn moeder Marlinda is van “oppe Ruiver”, ze is een echt Limburgs ‘maedje’

Mijn vader Roy is een echt “Amsterdammertje”, maar niet een die staat ‘naeve een paedje’

 

Keano:
Ich ben adjudant Keano, geboore in ut Rabbedabbe-landj

En met Vastelaovendj mot van mich alles aan de kantj

 

Ich ben de kleinzoon van Christ vanne Pinxt, os mam Angelina is hiej prinses gewoore

Mien pap Marco kumptj oet Kessel, en om biej mam te koome mos hae wanjele; … oore

 

Lard:

Ich speel electrische gitaar biej de Drieklank. Det geit steeds baeter en sneller

Ein optraeje in de Bosuul is net wie ACDC, allein den get heller

Ich zit auch biej de scouting in Tungelder, dao kin ich hieël get verhaole van vertelle

Wae haoje speurtochte, gaon op kamp, en biej ut kampveur aete wae os ongans aan frikkedelle

 

Luc:

Ik zit ook op scouting en ik ben bij de reddingsbrigade; daarvan heb ik geen spijt

En alt-sax spelen bij de Jeugdfanfaar; daarmee kan ik de rest van mijn energie kwijt

 

Keano:

As ich te lang speel met de Lego of met de Playstation, den trektj mam aan de bel

Mien energie kin ich good kwiet met Krav Maga, ein vechtsport oet Israel

 

Lard:

Crosse oppe motor doon ich gaer. Ut meuktj missjiens waal ein bietje kebaal

Mer de CO2 oet de motor waerdj vast gelagd in de rabarber; ich bin dus CO2-neutraal

 

Saame:

Met des daag kan de sjoeal os verrekke, de Vastelaovendj steit op 1

Wae zulle hosse en springe, al gaon wae van meugigheid vanne bein

 

Dees Vastelaovend gaon wae gaer veurop

En zette hieël Haler oppe kop

 

Lard:

En det alles onger mien motto:

Efkes geine motor en gitaar

 

mer drie daag hosse en springe mét elkaar

 

ALAAF!!