Proclamatie Prins Mexx I & Prinses Fenne, 2018-2019

Proclemasie

Mexx:     
Gaer wille wae prins Vince 1e , prinses Heike en hun adjudant Fenne bedanke veur ut aafgeloupe jaor.

Fenne:     
Ze hubbe der veur gezurgdj det aafgelaope jaor eine te gekke Vastelaovendj waas

Mexx:     
Echt waor

Fenne:    
Dit jaor hubbe wae de ieŽr om get euver os te vertelle,
Wae zulle os ins gauw aan uch veur gaon stelle.

Mexx:      
Ich, prins Mexx 1e bin eine echte Rabbedab, en zal laote zeen det ich Vastelaovendj veere kan
Same met dees twieŽ dames aan mien ziej maken wae der zeker get sjoens van.
Os pap Rene is geboore in Zuid Limburg. Det kin der auch neet helpe
Os mam Miranda is ein echte Kujeldreier. Die kumptj gewuen oet Kelpen

Fenne:    
Ich bin prinses Fenne en bin gebore in ut Rabbedabbe landj
Veur Vastelaovend mot alles wieke, en sjuuf ich alles aan de kantj
Mien pap Richard is geboore in de Acherhook. Hae is dus geine Tukker
Mien mam Chantal is eine echte Kujeldreier oet Kelpen, dus dao zooge ze os pap steeds dukker

Mexx:     
Van al mien hobbies doon ich ut allerleefste voetballen
Ich staon rechts-veur om dae bal ins duchtig in de goal te knallen
Ein half jaor voetbal ich in Belsj, de angere helft in Rooj, det vinj ich fraai
Noe bin ich noch ieŽrder ein ďinternationalĒ den Memphis Depay

Fenne:
Het allerleefste doon ich paerd rieje op mien favoriet ďSproetjeĒ
Dae hoof ich noeats ein hingst te verkaupe, ut is ein echt doetje
De naam van die maneesj snap ich neet, wie hel ich auch dink
Ut is biej maneesj ďNachtegaalĒ, van de femilie Vink

Mexx:
Ut leefste bin ich boete aan de gang, lekker crosse op miene quad
En as ich onger de taoter binne koom, mot ich van mam in bad
Ich hub auch nog ein paar geite, mer dao moge der nog get biej
Die gaon ich neet kaupe, want ze stonge veur de bok op ein riej

Fenne:
Wat ich auch gaer doon is knutsele, met pepeer en verf en liem
Ich haoj auch van vettigheid, ich maak mien eige sliem
Mer ut aller leefste gaon ich sjoppe. As det neet moog waer ich nies
Pap vindj det mer niks, daovan waerdj det bietje haor nog gries

Mexx:
Wisj gae det ich best waal duk op vakantie gaon met mam en get vrunj
Den staon wae oppe camping biej Broekman, en neet biej Remunj
Letst bin ich met pap wiet weg gewaesj, ut waas best sjoean waer
Toen hub ich waal ein walvis gezeen, mer jaomer genog geine baer

Fenne:
Vakantie vinj ich auch waal leuk, ich gaon gaer nao ein werm landj
Lekke luiere in de zon, en zorge det ich neet verbrandj
Mer sommige luuj, die kome biej os op vakantie, ze kome den campere
Det gesjravel in zon tent vinj ich mer niks, ich kan det neet waardere

Mexx:
Pap en mam hubbe hoonder en ich mot soms helpe met eier sortere
Dao krieg ich neet ins diek veur betaaldj, det zeen toch gein menere!
En door de waeks nao sjoeal, in ein klas met 2 toffe juffe
Allein biej de CITO-toets mot ich soms waal ins bluffe

Fenne:
Helaas mot ich auch nao sjoeal hieŽlemaol nao Rooj
En dao kan niks half-half, nae alles mot tegooj
Gelukkig is ut bienao Vastelaovendj, en gaon ich fieŽste op volle kracht
En waerdj der aan sjoeal en aan hoeswerk gaaroet neet gedacht

Samen:
Wae zeen noe klaor om duchtig te gaon fieŽste
En daon wae doon wie de bieŽste
Same met adjudant Heike gaon wae veurop,
En zette wae hieŽl Haler oppe kop. 

En det alles onger os motto:

LAOT DE KIPPEN MER KAKELE
WAE GAON DRIE DAAG SPEKTAKELEÖ.. ALAAF